仲搵籍口? 立刻做你想做嘅事！

今朝六點半嘅時候，你做緊啲咩？
大家一直以來，都覺得做運動好重要，但你對上一次做又係幾時？
尋晚12點幾嘅時候，你又做緊啲咩？如果係屋企煲緊劇、上緊Facebook、做緊無聊野，唔好再話自己冇時間喇。

今朝六點半嘅時候，我已經跑完10km（其實係12km），開始換衫返工，返到公司都係七點三。

好多時候，有心想做一件事，其實係唔會有任何藉口。咩冇時間、冇精神、無錢、冇關係，其實都係藉口：好多人睇到我廣告公司，各行各業嘅龍頭都係我嘅顧客，覺得我好有背景。其實我一開始創業嘅時候以上嘅嘢，乜都冇，所有大家覺得大嘅公司，都係一手一腳Cold call 打返來（一間靠關係嘅搵到都冇）。

所以由今日起，你仲有啲咩夢想、目標係未達成，唔好再等啦、唔好再俾籍口自己啦，今日係星期一，一個新開始，立即踏出第一步啦！

（p.s. 點解我係跑12km，唔係10km？因為仲有一個重點想分享：凡事唔好淨係做到100分就停，習慣要做到比人多一步，凡事做到120分，先會比大部份人走得更遠、更成功）