學NLP體驗 — 更有效控制大腦課程

今日放工已經七點幾，即刻飛去中環上個NLP嘅course，其實一路以來，已經對NLP好有興趣，有睇過幾本書，但發覺有少少悶睇唔落去。因為完全無鑽研過，所以我以為自己係完全唔識 NLP。

所以今次想試吓去上堂，體驗下、了解下 NLP 究竟係啲咩一回事。

去到一路聽、一路聽，發現所講嘅同我講嘅竟然…

不謀而合地係完全100%一模一樣：

NLP原來就係講：大腦嘅使用說明書

亦好似我一直以來同大家所講：「一直以來我哋每一個人都有一個大腦，但係從來冇人會寫本說明書比我哋去講解點樣去用我個腦，咩意思呢？

大家一定有試過有一啲野你必須要做，但係唔想做，係咪？你試吓幻想如果你可以按身體上嘅一個制，即刻會令到你自己好有興趣做，唔係被迫去做，而係心甘情願，好開心地去做。

而NLP就係呢本說明書，可以令到你立即行動、更有效地控制到你自己嘅大腦。」

坦白講，今堂學嘅嘢唔多，因為佢教嘅野其實都係一直以來我成日已經講嘅嘢，好似係：
「成為果5%成功嘅人」、
「你嘅狀態會影響你focus 啲咩，亦會影響到你嘅行動」、
「控制你嘅狀態令到自己處於Peak State」、「做同樣嘅事係唔會有唔同嘅結果，必須行動去改變」等等。

但體驗係深刻嘅：
上之前-我以為自己完全唔識NLP，
上之後-我覺得我自己可以教NLP，一晚之間成為左Expert（稍為誇張）嘅感覺真係唔錯。

但係事實上，真係令到我增加信心，同埋知道自己原來已經識得唔少NLP嘅嘢，甚至乎可以再深造然後再寫書、教course等等，亦係另一個機會。

如果大家有興趣了解點樣可以更有效地控制自己情緒、狀態、令到自己每日活得更開心，如同可以100%操控自己大腦、更容易發揮到自己嘅Full Potential，不妨可以留意下Tony Robbins 嘅 Personal Power – 一個30日嘅Program，可以深入瞭解NLP，咁可能會完全改變你一生（ 我咁講，因為呢套Program已經改變左我人生）。

最重要嘅一點，無論如何，諗到有想做嘅嘢，仲考慮緊嘅話就唔好再考慮啦，立即行動啦。

冇行動，講咩都嘥氣，因為永遠只會係原地踏步…

Act Now.