HKTV Mall 網頁元素 – 如果我係王維基（下集）：

續返上一篇，講到點解HKTV Mall 感覺上就係差咁d ?

點解就係Motivate 唔到我地去買野?

其實除左部份必要既網頁元素做得唔夠好，主要原因亦因為寫既時候無用一個人性化既角度去寫，亦Probably 無太關注銷售既層面。

Simon Sinek 本書 《Start with Why》(無時間睇亦可直接收看佢既Ted Talk)，佢講過:「 我地買野係 Base on Emotions，唔係 Base on Facts。」(仲有額外元素，王生可以好好利用，話唔定會爆銷量)。無論你個商品d Specs有幾好，坦白講d 人根本都唔care。但當你講你個商品可以為佢地帶黎好多價值，例如影d 相有幾靚，靚到係市面上其他同類商品都做唔到既時候，d人就會有衝動去買。

經典例子(美國市場: 2010-2014):

Apple (Sell Benefits，例如之前個Adverts sell 影相)

Samsung (Sell Specification: 例如5.55吋特大屏幕 16:9完美比例)

你覺得邊間Marketing 做得好d?

講返正題先，今日會繼續講埋剩返果5個網頁必須留意既 Elements:

6. 購買流程

任何網頁係Front Page 或Product Page，都應該清晰列明購買流程既每一個步驟，例如點樣付款、用咩付款同幾時送到等等，方便唔同年齡既人都清晰了解整個購買流程。HKTV Mall仲出書印 Catalog，相信佢地Target Group唔會淨係局限於年輕人。既然HKTV Mall都已經開拓埋年長一輩既市場，個Front Page 或Product Page係咪應該要更加清晰?

7. 廣告

做廣告既時候，都要諗下咩人會係網上購物? 絕大部分係年輕人。
如果HKTV Mall Target Group 係年輕人，點解唔係網上做超大規模廣告 (例如搵我公司做 – 同一時間叫晒500個網絡紅人(Avg. 10000 Followers) 推廣HKTV Mall，咁樣幾乎全香港既年輕人都會立即識得HKTV Mall，仲會有一種好似全香港年輕人都支持 HKTV 既感覺。) 咁樣仲要係地鐵浪費3800萬？

8. 付款方式

HKTV Mall 係Front Page 或 Product Page 都無寫點付款。 試問比較少上網購物既人又點會識? 唔通真係要客人自己估? 大家記住要寫清楚，因為付款方式會直接影響 Conversion Rate (轉化率)。

9. 退款

任何網頁都應該清楚寫明點樣退款，要大大隻字，有埋圖片果種，而唔係細細隻又唔知擺係邊到果種。好多人第一次網購都會擔心，買完唔鐘意點算等等。Amazon 係啱啱開始賣鞋既時候，有成40% Refund Rate都賺。因為完善既Refund System會令到搖擺不定既顧客更有信心購物。

而事實上，亦有數得計 (呢到就唔咁複雜計埋出黎，但Overall 你會計到係賺)。我建議比30日無條件Refund，因為統計學上30日既Refund Rate係細過14日 (由於人既惰性心態影響下，往往拖拖下就會過左Refund Deadline)。

10. 方便、方便、同方便

做任何一樣野既時候，唔應該問人過往點樣，你就點樣做。應該先諗，點樣先會令使用既人更方便而去整個網頁。HKTV Mall 呢種大型網上商店係為左改變我地香港人既消費習慣，令我地習慣網上購物，但事實上大家覺得User-friendly 嗎? 或者HKTV Mall 你自己整完，問下自己，你d Staff又會唔會成日用？

題外話: HKTV一開始有56.3萬人睇，點解之後會跌? 如果我係王維基，我會咁做:

1. 手機App一開App就自動播“直播內容”，下面Menu Button已經自動選台/選劇集，一Click 就播

2. 網上電視平台都係一樣，一上就即刻播 (同係屋企睇電視一樣，開電視即播)

我知道有好多野仲要考慮: 電郵Collection、用戶偏好、廣告定位等等，但為左呢d，改變唔到傳統觀眾行為，值得嗎? 假若先後次序掉轉，先改變行為，後再諗賺錢，會唔會有唔一樣既效果?

講到呢到，有d感觸。曾經，HKTV幾乎徹底改變香港命運 — 明明只差一步。

如果想繼續睇就 Like/Share 個 Page 啦，或有野想問，或想我補充就 Comment啦。