去創業既PERFECT TIMING！你MISS 左未?

好可能已經MISS 左。

《MIND SET思維》

好多上一輩既人都同我地講，做幾年野，儲多d經驗，儲下錢先去創業啦。呢一番說話非常正確，但只限於20年前，今時今日已經唔再適合，因為而家創業已經唔再需要好似以前咁，需要大量資金用黎租鋪頭、入貨等等。

當我讀緊大學時，我唔明白點解要上莊，搞咁多Soc既活動。外國既大學生都係一樣，晚晚去Party，為飲醉而飲醉，飲酒就係為左嘔同宿醉，恕我未能明白箇中樂趣。

對我黎講，讀完中學入大學既果一剎那，就意味住我正式踏入社會，應該正式去諗自己既將來，利用讀大學果3至4年時間 (大家都知讀U有幾HEA) 去創業，搵自己鐘意做既事。咁樣既話，好可能係畢業既時候，就已經擁有一個成功既Business。

而唔係讀完大學先開始諗自己既將來，見到好多朋友畢業果一日係Facebook寫既Status係: 「過左3年，完全無Idea自己做過d咩」、「畢業有咩好慶祝? 係我失業既第1日」。

坦白講，睇到呢d Status個陣，我慶幸我無浪費大學既2-3年，而好好彩咁可以比其它人更早起步。

如果你仲讀緊大學，你黎緊呢3年又諗住點過?

《BUSINESS需知》

大部份人整網上商店都會做錯既事

令你既商品變得大眾化，係靠自己整出來既，而唔係慢慢建立既。好多人以為整完個網頁，有晒所有應該有既功能，上載晒所有商品就當整完，以為會有人自動黎買，其實個網頁同白紙一樣無分別。

事實上，會有人自動黎買野，係唔可能發生既。(Kickstarter/Indiegogo 等集資平台都係一樣道理，唔好以為整左個商品出黎就等於有人買)

你必須要令到個網頁有一種好受歡迎既感覺，例如有Facebook Like、有Review等等。做到之後，先會有第1個人購買，你可能會問，邊到會有人幫你寫Review? 你可以將網頁Send俾朋友，叫有興趣既Fd試用幫你寫Review都得。

《TASKS 今日項目》

今日我會做以下既項目:

– 開設Facebook 專頁

– 設計好專頁內容 + 5 個Post 內容

– 確保所需元素已經係個網頁上

如果想繼續睇就 Like/Share 個 Page 啦，或有野想問，或想我補充就 Comment啦。