相信好多人都想去旅行，對上一次去又係幾時呢？ 又有冇試過冇乜計劃咁，即興去旅行？

因為驚貴？覺得無錢？

其實我覺得都唔係，只係我哋有一個惰性，習慣跟隨傳統華人社會嘅準則生活，覺得而家應該要努力搵錢，等到之後賺到多啲錢先至去啦。

但諗深一層，點解要拖呢？

事實上，而家香港今時今日嘅環境，就算你好努力工作，活到60歲嘅時候，其實好可能都只會係啱啱供完間500尺嘅樓，但已經再冇精力周圍去玩，環遊世界。

好多時候，我哋其實並唔係要成為「億萬富翁」，無人想要一大堆紙幣印着匯豐銀行隻獅子同大樓。

咁究竟我地想要啲咩…我哋只係想「感受/體驗」億萬富翁嘅生活：揸靚車、住大屋、無憂無慮咁去旅行、環遊世界、坐遊艇等等。

咁真正嘅問題就係：「點樣可以過到億萬富翁嘅生活，而唔需要成為一個億萬富翁？」

其實當你真係計出嚟嘅時候，你就會發覺你想要嘅生活其實俾你所想嘅平得多。

例如：
住半山：$30000
渣架保時捷：$15000 (2手60萬/分5年供)
每個月去旅行：$20000

其實都係 $65000 (x 1.3 當雜費)
合共都係：$84500

你可能會話，無啦啦要每個月有$85,000都唔易啦。其實唔係，只需要你願意跳出傳統框架諗一諗就有機會達到。而我之前亦都係30日裡面講過點樣可以由零開始嘅一盤生意去到每月$100,000，有興趣可以睇返第一篇：「一部iPhone嘅價錢，可以買樓」。

所以由今日起，可以諗一諗自己想要咩生活、將自己嘅目標具體化列出嚟，再計算下要幾多錢先可以令自己「夢想成真」，跟住就開始行動啦！咁你先可以做到無憂無慮環遊世界。