如何令同事 心甘情願 OT 到 2點 及建立一個高效率同和諧嘅工作環境 (同事們唔好怪我寫出黎..)

好多時候創業嘅重點其實就係解決問題，由細嘅問題例如解決顧客投訴、去到大啲解決同合作夥伴嘅問題（商業糾紛）、再去到點樣去好好處理同事關係、建立一個高效率同和諧嘅工作環境：其實重點就係學識點樣去…「調解」。

其實呢個係我以前嘅親身經歷，當時我創業無耐，公司只係得 6 位同事嘅時候。

突然有一日，佢地 6 個竟然同一時間辭職，其實當時我問心覺得自己係一個幾好嘅老闆：基本上我從來唔鬧人、有咩唔識慢慢教到你識為止、公司賺到錢亦有出bonus , 覺得自己都算係咁，唔明白點解佢哋會咁樣做。

（咁當然，而家明白晒啦，因為當時我公司不斷擴張，但公司細又冇辦法請多啲人去幫手，就變咗佢哋嘅工作量越來越大，但係人工又冇不停加比佢哋，亦無關心佢地當時既狀況，所以先出現呢個情況）

當時係我睇咗好多唔同嘅書，有聽好多唔同嘅course，去點樣用調解既技巧去建立一個高效同和諧嘅工作環境。

到而家，公司有數十位同事。每個同事都好有心一齊做嘢，就算你一句說話都唔講嘅情況下都自願留到八點幾九點去完成工作，每朝自己早一兩個鐘返工做嘢 （咁當然，佢哋有事要早走同我講聲就可以啦，大家互相尊重），有時放工亦一齊去打邊爐吹下水。

極端既開心例子 (最少係我好開心)，有一晚Sales同事大家講起點樣增加自己Sales 既能力，我提到有個 Course，係 Jordan Belfort (華爾街狼人男主角現實既原身) 教既，大家都有興趣去睇，跟住我 Propose 大家挑戰一下自己，聽朝6:30AM返黎開始播Video，連續6個鐘，一日上晒佢所有堂 (當時已經係夜晚11點幾)，但最緊要係大家開心，肯一齊試同搏，真心非常Appreciate。

其實好多野都可以學，都可以去營造出來，只要你有花時間去學同掌握技巧。嚟緊聯合調解專線辦事處亦請咗好多老闆去分享自己去解決問題（調解）嘅心得。如果有時間就去聽下，去增值自己，為自己裝備多一個技能，令到自己係商業上有更大優勢啦。

強烈推介大家去睇睇個免費Seminar :

中小企業論壇：調解 – 增值創富之道
日期：2016年6月13日(星期一)
時間：9:30am – 6:00pm
地點：香港九龍達之路78號生產力大樓
報名： <http://goo.gl/forms/UbHmgPELej> http://goo.gl/forms/UbHmgPELej
詳情： <http://www.jointmediationhelpline.org.hk/Announcements_t.html> http:
//www.jointmediationhelpline.org.hk/Announcements_t.html

(P.s. 我公司d 同事唔係日日 OT 到 2 點幾，我梗係會比埋的士錢、同埋請返佢地食返餐好啦。我知道以上既當然唔係d 咩補償，但其實想帶出同事有Heart同你做事，同無Heart 係爭好遠。)